♀ A dies Johr wolle sisch beschdimmt widder monsche vun Eusch grusle,
un sisch in dolle Koschdüme durchs Partyvolk wusle.
Genauso is des Schneeges sammle vun Haus zu Haus,
eigentlisch schun seit eunische Johr a hierzulande Brauch.
♂️ Trefft Ihr dabei jedoch uff Unwillische, die net die Der ufffmache,
is des noch lang kän Grund fer Rache!
Sachbeschädischung an annere Leits ihr Sache,
is nämlich gar nix zum Lache.
Des kann Eusch selwert deier zu stehe kumme,
un Ihr seid beim Blesche dann die Dumme.
Un ganz wischtisch – egal wie Ihr zu Euerer Party hiekummt,
ob uffm Bese, mim Droohtessel oder äm Auto gebrummt:
Falls Ihr im Laufe des Owends genug Zaubertrunk trinkt,
Eusch besser jemand anneres oder die rnv mit de Funkeschees hämbringt.
Uffgebasst: A so’n E-Scooter ersetzt kän Bese,
am Ende muss so än Sanidäter Eure Knoche vun de Strooß ufflese.
♀ A wenn Ihr denkt, Ihr kennt jo a mit Alkohol uff denne Dinger noch locker schdehe,
ham mir trotz beschdem Koschdüm ken Nochsehe.
Alla hopp, basst uff Eusch Acht,
kummt alle gut durch die Geischdernacht!
zurück
