Polizeipräsident Thomas Köber in den Ruhestand verabschiedet

 

Am 24.04.2019 wurde er im Beisein zahlreicher Gäste im Marchivum vom Innenminister Baden-Württembergs, Thomas Strobl, offiziell in den Ruhestand verabschiedet.

 

Time to say Goodbye“ – mit diesen Worten wandte sich kürzlich unser Polizeipräsident Thomas Köber  in einem Mitarbeiterbrief an uns,

 

 

Awwer weil „Time to say Goodbye“ in Monnem wie aach in Heidelberg, ach was redde mer, im ganze Dunschtkreis des Präsidiums net jedder blickt,
unn die Monnemer Bolizei bekannt devor is, dass se alle Leit versteht unn alle Sprooche sprischt:

Mir saachen – wie sisch des in Monnem, awwer ach in Mannem ghäärt:
Hajo, Du muscht halt fort, alla mol! – alla hopp, Dei Karre halders nun Rischtung Pansion fährt.

Losse ma Disch halt laafe, ob Du vor lauder Freed in die Luft hubbse duscht, wär ma mol Dei Fraa frooge,
wer weeß, im schlimmschte Fall hot die ganz Pansionssach, nur fär sie en Hoge…

Mir sinn schunn all mitänanner ä bissl – wie soll ma saage – net ogepisst,
es is jo jetztert äfach die Zeit fer Disch…
awwer – die ä oder anner Trän, hot der ände oder die anner schunn heimlisch verdrickt…

Es war halt ä arg schänie Zeit mit der und Du warscht halt ach äscht än guude Präsident,
fer die Leit, die do schaffe tun, awwer a fer alle un alles, was do drauße so rumrennt…

Ruh ausgstrahlt wie än Fels in de Brandung – unn än grade Satz redde konnscht Du aach ämol
vor Publikum odder in a Kamera, was war mer froh…

Unn des Steuer iwwernemme oder rumreiße, ob privat bei Deim Seggelboot oder bei der Wasserschutzbolizei,
egal, ob uffm Neckar odder uffm Rhoi!

Unn iwwerhaupt, bei dere ganze Mannschaft, die sich Bolizeipräsidium nennt,
hott ma Disch gschätzt unn als än umgänglische Chef, änner mit dem ma babble kann, gekennt!

Desdewesche sache ma ah nur „Alla mol“, weil mir uns sowas vun sischer sinn,
ma sieht sisch, mol hier, mol dort uff de Gass unn Du bleibscht sowieso in beschder Erinnerung in unsre Dickschädel drinn!

 

Alla mol, mach’s gut, ade!

Doi Monnemer Bolizei

 

 

zurück